fo / en
Totalview HR Recruitment
Developed by Formula

Current Vacancies

04. Mar 2021
Farloyvisstarv í Bónus í Miðvági

Til handilin í Miðvági leita vit eftir einum fryntligum og fyrikomandi starvsfólki, ið leggur í at geva kundunum bestu innkeypsupplivingina. Tú kemur millum annað at avgreiða kundar við kassan, at fylla vørur út í handilin, og at syrgja fyri, at handilin er snøggur og innbjóðandi.

 

Tú kemur at arbeiða í dagtímunum frá 8.30 til 16.00, áleið 33 tímar um vikuna. Talan er um barnsburðarfarloyvisstarv frá 20. mars 2021 til 31. mai 2022.

 

Eru spurningar til starv ella starvssetan, ber til at venda sær til Mariu Hansen, handilsleiðara, á telefon 233446 ella á teldupost mh@bonus.fo. Tú søkir starvið beinleiðis á síðuni her.

 

Application Deadline:
03. Mar 2021
Varaleiðari til Angus í Klaksvík

Nú Angus skjótt letur upp í nýggjum hølum, leita vit eftir einum varaleiðara, ið saman við leiðaranum fer at hava ábyrgdina av dagliga rakstrinum av matstovuni. Varaleiðarin kemur at mynda tænaratoymi, og skal hvønn dag hjálpa til við at tæna mongu gestum okkara.

 

Vit leita eftir tær ið:

- er fryntlig/ur og fyrkomandi, og hevur stóran áhuga í at veita gestum okkara bestu tænastuna.

- arbeiður skipa, og megnar at halda høvdið kalt hóast nógv er at gera.

- hevur ein jaligan hugburð mótvegis gestum og starvsfelagum

 

Arbeiðsuppgávurnar fevna millum annað um at taka ímóti gestum og vísa teimum til borðs, at taka ímóti bíleggingum og servera mat og drykkjuvørur, at hjálpa leiðaranum við bílegging av vørum, og sum heild at geva títt íkast til eitt jaligt samstarv og ein góðan tóna á arbeiðsplássinum.

 

Talan er um skiftandi dag-, kvøld- og vikuskiftisvaktir. Starvið er fulltíðarstarv og verður sett frá 6. apríl. Freistin at søkja er sunnukvøldið 21. mars.

Eru spurningar til starv ella starvssetan, kanst tú venda tær til Sally Rasmussen, stjóra í Dvøljuni, á 233420 ella á sally@sms.fo. Kundi tú hugsa tær at søkt starvið sum varaleiðari, kanst tú senda tína umsókn her á síðuni.

 

Application Deadline: 21. Mar 2021
02. Mar 2021
Starvsfólk til Bónus í Marknagili

Vegna økt virksemi, leita vit eftir einum starvsfólki til handilin í Marknagili.

Talan er um fulltíðarstarv á 40 tímar um vikuna. Arbeiðstíðin er frá 8.30-16 mánadag til fríggjadag og annaðhvønn leygardag 

Uppgávurnar fevna í høvuðsheitum um at hjálpa og ráðgeva kundum, um tey hava tørv á tí, at fylla upp í handlinum, at sita við kassan og at hjálpa til við at halda handilin reinan og ruddiligan.

 

Vit leita eftir tær, ið er fyrikomandi, ábyrgdarfull/ur og arbeiðssom/samur. Afturfyri fært tú eitt gott arbeiðsumhvørvi, við góðum starvsfeløgum og ein fjølbroyttan gerandisdag, tí arbeiðsuppgávurnar eru ymiskar.

 

Starvið verður sett skjótast gjørligt. Lønt verður eftir sáttmálanum millum S&K og Føroya Arbeiðsgevarafelag.

 

Tú søkir starvið beinleiðis her á síðuni. Eru spurningar til starv ella starvssetan, ber til at venda sær til Sigrun Danielsen, handilsleiðara á telefon 233440 ella á teldupost sd@bonus.fo

 

Application Deadline:
02. Mar 2021
Starvsfólk til Mylnuna í miðbýnum

Mylnan í Niels Finsensgøtu sóknast eftir  fólki at arbeiða áleið 20 tímar um mánaðin. Starvið hóskar seg væl til tín, ið gongur í skúla og kundi hugsa tær at arbeitt nakrar tímar um vikuna. Uppgávurnar fevna millum annað um at standa við kassan og at fylla vørur út í handilin.

 

Vit vænta av tær, at tú ert sjálvstøðug/ur, ábyrgdarfull/ur og vinarlig/ur.

 

Hevur tú hug at gerast partur av toyminum, kanst tú søkja starvið her á síðuni. Hevur tú spurningar, kanst tú venda tær til Vár Egholm á telefon 769094 ella á var@mylnan.fo

 

Ynskiligt er, at tú ert 16 ár ella eldri. Starvið verður sett sum skjótast, og starvsstaðurin er Niels Finsensgøta 8.

Application Deadline:
26. Feb 2021
Hevur tú hug at starvast í Burger King?

Dámar tær at vera partur av einum toymi, hevur tú ein jaligan hugburð, og trívist tú best, tá tað er nógv at gera? So er eitt starv hjá Burger King kanska nakað fyri teg.

 

Sum starvsfólk hjá okkum hevur tú nógvar ymiskar uppgávur, har tú millum annað kemur at arbeiða við kassan, í køkinum og úti í matstovuni.

 

Vit leita eftir tær, sum dámar væl at hava beinleiðis samband við gestirnar.

 

Í starvinum fært tú fylgjandi:

-          Royndir við at arbeiða í toymi.

-          Tú fert at læra nógv um tænastuvinnu.

-          Vit bjóða eitt spennandi og fjølbroytt starv, har gongd er í.

-          Nyttuligar arbeiðsroyndir og hentar førleikar.

 

Vit leita eftir nýggjum starvsfelagum til parttíðarstarv, talan er um eitt ella nøkur kvøld um vikuna, mitt í viku og í vikuskiftinum. Royndir við kundatænastu er ein fyrimunur, men ikki eitt krav.

 

Eru spurningar til starv ella starvssetan, kanst tú venda tær til Blagica, matstovuleiðara, á 789685 ella á blagca@burgerking.fo. Tú søkir starvið beinleiðis her á síðuni.

 

Application Deadline:
22. Feb 2021
Kokkur til Angus í Tórshavn

Tá Angus Steakhouse í Tórshavn seinni í vár letur upp í nýggjum hami, hava vit tørv á at víðka um starvsfólkahópin hjá okkum. Vit ganga høgt uppí, at starvsfólk okkara eru tænastusinnað og góðskutilvitað, og vænta vit sjálvandi eisini hetta av komandi starvsfeløgunum.

 

Matstovan í Tórshavn hevur altíð verið væl vitjað, bæði gerandisdagar og í vikuskiftinum. Afturat matstovuvirkseminum, selja vit nógvan mat út úr húsinum, og verður hetta eisini ein týðandi partur eftir umbyggingina.

 

Tað er umráðandi, at starvsfólk okkara duga at arbeiða skipa og til tíðir undir trýsti, og av tí, at vit samskifta nógv við gestir og starvsfelagir í gerandisdegnum, er tað eisini ein fyrimunur, at tú ert sosial/ur og fyrikomandi.

 

Vit leita í løtuni eftir einum kokki til fulltíðarstarv frá áleið 1. Mai 2021.

 

Stórur dentur verður lagdur á, at tú hevur góð samstarvsevni og at tú ert tilvitað/ur um góðsku, reinføri og heilsufrøði.

 

Útbúgving er ikki neyðug, hevur tú áhuga fyri mati og matgerð, ert tú vælkomin at søkja.

 

Kundi tú hugsa tær at verið partur av køkstoyminum tá vit lata upp aftur, kanst tú senda tína umsókn umvegis síðuna her. Eru spurningar til starv ella starvssetan, kanst tú venda tær til Sally Rasmussen, stjóra, á 233420 ella á sally@sms.fo.

Application Deadline: 22. Mar 2021
18. Feb 2021
Mylnan í Jónas Broncksgøtu leitar eftir handilsfólki

Ert tú álítandi, smílandi og arbeiðssom/samur? So er tað kanska tær vit leita eftir til at arbeiða nakrar tímar seinnapartar/um kvøldið og okkurt vikuskifti í Mylnuni. Hvønn dag fáa vit lekkrar vørur frá bakarínum, og leggja vit stóran dent á at vísa hesar fram á bestan hátt. Gott handverk og góð tænasta gongur hond í hond í handlum okkara. Tí er tað eisini sera umráðandi, at okkara starvsfólk eru fryntlig at heita á.

 

Uppgávurnar fevna í høvuðsheitum um at avgreiða kundar, bæði við kassan og á gólvinum um tørvur er á tí, at fylla vørur á hyllarnar og sum heild at halda handilin penan og innbjóðandi.

 

Um tú ert áhugað/ur í at gerast partur av toyminum, kanst tú senda tína umsókn umvegis síðuna her. Eru spurningar til starvið, kanst tú venda tær til Lindu Lydersen, handilsleiðara, á telefon 769093 ella á linda@mylnan.fo

 

Application Deadline:
17. Feb 2021
Starvsfólk til Krásadeildina

Vit leita eftir einum starvsfólki, ið hevur ein spírandi áhugað fyri matgerð og dygdar rávørum. Fremstu uppgávurnar hjá starvsfólkunum á Krásadeildini eru at avgreiða og hjálpa kundum og at fylla diskarnar við alskyns lekkrum krásavørum.

 

Vit vænta av tær, at tú ert tænastusinnað/ur, dygdartilvin og gongur høgt upp í reinføri.

 

Arbeiðstíðin er áleið 30 tímar um vikuna, og sær ein vanlig arbeiðsvika soleiðis út:

Mánadag: 8:00-14:00
Týsdag: 13:00-18:00
Mikudag: 13:00-18:00
Hósdag: 8:00-14:00
Fríggjadag: 8:00-14:00

Harafturat verður arbeitt 3. hvønn leygardag.

 

Eru spurningar til starv ella starvssetan, kanst tú seta teg í samband við Súsonnu Danielsen á 233439 ella á sd@sms.fo. Tú søkir starvið beinleiðis her á síðuni.

 

Application Deadline: 28. Feb 2021